Apna Mijaj News
રાજકીય

અમેરિકાના સનસનાટીભર્યા આરોપ બાદ ગભરાયું ચીન, પહેલીવાર બેકફૂટ પર દેખાયું

અમેરિકી પરમાણુ શસ્ત્રોની જગ્યાઓ પર આકાશમાં ચીનના બલૂન જોવા મળ્યા હતા. આનાથી ચીન દ્વારા જાસૂસીની શંકા વધુ ઘેરી બની હતી. પેન્ટાગોને પોતે આશંકા વ્યક્ત કરી હતી કે આ ચીની બલૂન હથિયારોની જગ્યાઓ પર જાસૂસી કરી રહ્યા છે. આ આરોપ પર ચીનની પ્રતિક્રિયા આવી છે. ચીને કહ્યું કે તે અમેરિકા ઉપર જાસૂસી બલૂન ઉડતા હોવાના અહેવાલોની તપાસ કરી રહ્યું છે. તેણે કહ્યું કે તે કાયદાનું પાલન કરે છે અને તેનો એરસ્પેસનું ઉલ્લંઘન કરવાનો કોઈ ઈરાદો નથી. જો તેમ થયું હશે તો તેની તપાસ કરશે.

આ પહેલા ગુરુવારે પેન્ટાગોને કહ્યું હતું કે અમેરિકાના અતિસંવેદનશીલ પરમાણુ હથિયારોના સ્થળો પર આકાશમાં કેટલાક ચાઈનીઝ બલૂન જોવા મળ્યા હતા. યુએસ ડિપાર્ટમેન્ટ ઓફ ડિફેન્સના હેડક્વાર્ટર પેન્ટાગોને વધુમાં જણાવ્યું કે ચીની જાસૂસી બલૂન પર નજર રાખવામાં આવી રહી હતી અને તેને તોડી પાડવાનો વિચાર કરવામાં આવી રહ્યો હતો.

એક સંરક્ષણ અધિકારીએ જણાવ્યું કે અમેરિકી સેનાએ ચીની બલૂનને તોડી પાડવાનું વિચાર્યું. એક વરિષ્ઠ યુએસ સંરક્ષણ અધિકારીએ જણાવ્યું હતું કે ટોચના સૈન્ય અધિકારીઓએ બલૂનને તોડી પાડવાનું વિચાર્યું હતું પરંતુ જો તે જમીન પર અથડાતે તો ઘણા લોકો જોખમમાં આવી શકે એવા ભયને કારણે તેમ કર્યું નથી.

મળતી માહિતી મુજબ, બલૂન અમેરિકાના ઉત્તર-પશ્ચિમ ક્ષેત્રમાં ઉડી રહ્યું હતું, જ્યાં અમેરિકાના સંવેદનશીલ એરબેઝ અને વ્યૂહાત્મક મિસાઈલો રાખવામાં આવી છે. એક અધિકારીએ કહ્યું, સ્પષ્ટપણે, બલૂન જાસૂસી માટે બનાવાયેલ હતું કારણ કે તે શસ્ત્રોના સ્થળોની આસપાસ ઉડતું જોવામાં આવ્યું હતું. અનેક સંવેદનશીલ સ્થળો પર બલૂન જોવા મળ્યા છે. આનાથી ખબર પડે છે કે આ બલૂનમાં જાસૂસી માટેના કેટલાક સાધનો પણ લગાવવામાં આવ્યા હશે.

અધિકારીએ કહ્યું કે બલૂન યુએસ એરસ્પેસમાં “થોડા દિવસો પહેલા” જ દેખાયા હતા. ફાઇટર જેટ્સે બલૂનને તપાસ્યું જ્યારે તે મોન્ટાના પર દેખાયું. ટોચના સૈન્ય અધિકારીઓએ તેના પર સંપૂર્ણ ચર્ચા કરી, જે પછી અધિકારીએ કહ્યું કે પેન્ટાગોને નિર્ણય લીધો કે બલૂન પર ફક્ત દેખરેખ રાખવામાં આવે. લોકોની સલામતીને કારણે, તેને તોડી પાડવાનો નિર્ણય લઈ શકાયો ન હતો કારણ કે તેમાં કોઈ પદાર્થ એવો હોઈ શકે છે કે જો તે જમીન પર પડે તો વ્યક્તિઓની સુરક્ષાને ખતરો થાય.

Related posts

ગુજરાતમાં 2024 લોકસભા માટે સીએમ અને સીઆરની અધ્યક્ષતામાં ભાજપ કારોબારીની બેઠક મળશે

Admin

દેશમાં ૩૦ મુખ્યમંત્રીઓની શ્રેષ્ઠતા ચકાસવા માટે કરાયેલા સર્વેમાં કેજરીવાલને પાછળ છોડીને યોગીને પ્રજાએ શ્રેષ્ઠ મુખ્યમંત્રી તરીકે પસંદ કર્યા છે.

Admin

ગુજરાત સરકાર વીજબિલ નો ભાવવધારો તાત્કાલીક પાછો ખેંચેઃ પોરબંદર કોંગ્રેસ

Admin

Leave a Comment

error: Content is protected !!