Apna Mijaj News
રાજકીય

PM મોદી આજે રાજસ્થાનની મુલાકાતે, શું ભગવાન દેવનારાયણના નામના મળશે ગુર્જર સમાજનો આશીર્વાદ?

આજે વડાપ્રધાન નરેન્દ્ર મોદી રાજસ્થાનની મુલાકાત લેવાના છે. 4 મહિનામાં પીએમ મોદીની રાજસ્થાનની આ ત્રીજી મુલાકાત છે. શનિવારે PM મોદી સવારે 11:30 વાગ્યે ભીલવાડાના માલસેરી ડુંગરી ખાતે ગુર્જર સમાજના વિશ્વ પ્રસિદ્ધ તીર્થસ્થાન ભગવાન દેવનારાયણના પ્રાગટ્ય સ્થાન પર પહોંચશે. આ દરમિયાન પીએમ મોદી ભગવાન શ્રી દેવનારાયણજીના 1111મા અવતરણ મહોત્સવમાં ભાગ લેશે. પીએમ મોદી મંદિરમાં પૂજા કરશે, સાથે જ અહીં આયોજિત હવનમાં પણ ભાગ લેશે. પૂજા બાદ પીએમ મોદી અહીં એક મોટી રેલીને સંબોધિત કરશે.

થઈ શકે છે ભગવાન દેવનારાયણ કોરિડોરની જાહેરાત 

ભીલવાડામાં પીએમની રેલીમાં 2 લાખથી વધુ લોકો પહોંચે તેવી શક્યતા છે. આ દરમિયાન પીએમ મોદી મહાકાલ કોરિડોર ઉજ્જૈનની તર્જ પર ભગવાન દેવનારાયણ કોરિડોર બનાવવાની જાહેરાત કરી શકે છે. જણાવી દઈએ કે રાજસ્થાનમાં આ વર્ષે વિધાનસભા ચૂંટણી યોજાવાની છે. ત્યારે પીએમ મોદી ગુર્જર સમુદાયને મોટો સંદેશ આપવાનો પ્રયાસ કરશે. પીએમ મોદીની આ મુલાકાતને લઈને રાજકીય પંડિતો વોટ બેંક અને સીટોનું ગણિત ગોઠવવામાં વ્યસ્ત છે.

ગુર્જર સમાજના વિશ્વ પ્રસિદ્ધ યાત્રાધામમાં વડાપ્રધાન 

કરોડો લોકો ભગવાન શ્રી દેવનારાયણમાં ઊંડી આસ્થા ધરાવે છે. ગુર્જરો ભગવાન શ્રી દેવનારાયણને તેમના આરાધ્ય દેવ માને છે. પીએમ મોદી આજે ભીલવાડાના આસિંદમાં આવેલા આ મંદિરમાં પહોંચી રહ્યા છે. પીએમ મોદી ભીલવાડા જિલ્લાના માલસેરી ગામની મુલાકાત લેશે, જ્યાં ભગવાન શ્રી દેવનારાયણનું જન્મસ્થળ છે. અહીં ભગવાન દેવનારાયણનો 1111મો અવતરણ મહોત્સવ ઉજવવામાં આવી રહ્યો છે, જેના કારણે ભીલવાડામાં ઉત્સવનો માહોલ છે. કળશ યાત્રા કાઢવામાં આવી રહી છે, ઘણા દિવસોથી ભંડારો ચાલી રહ્યો છે. ભગવાન દેવનારાયણના દર્શન માટે હજારોની સંખ્યામાં લોકો પહોંચી રહ્યા છે. પરંતુ આ વખતનો પ્રસંગ ખૂબ જ ખાસ છે, કારણ કે પ્રથમ વખત કોઈ વડાપ્રધાન વિષ્ણુના અવતાર ભગવાન દેવનારાયણના ધામમાં આવી રહ્યા છે. એટલા માટે પીએમ મોદીના સ્વાગત માટે પણ ભવ્ય તૈયારીઓ કરવામાં આવી છે.

ગુર્જર સમાજના આશીર્વાદ લેવાનો પ્રયાસ 

ગુર્જર સમુદાયના લોકોને આશા છે કે પીએમ મોદી દેવનારાયણ કોરિડોરની જાહેરાત કરીને ગુર્જર સમુદાયના આશીર્વાદ લઈ શકે છે. તેની પાછળ પણ એક મોટું કારણ છે. માલસેરી ડુંગરી દેશભરના ગુર્જર સમુદાયના આસ્થાનું મુખ્ય કેન્દ્ર છે. કેન્દ્ર સરકારની એક સંશોધન ટીમ આ દિવસોમાં ભીલવાડામાં હાજર છે. સંશોધન ટીમ ભગવાન દેવનારાયણને લગતી વાર્તાઓ અને સાહિત્ય એકત્ર કરી રહી છે. સરકાર ભગવાન દેવનારાયણના જીવન ચરિત્રને ફડ આર્ટ દ્વારા પ્રદર્શિત કરવાની તૈયારી કરી રહી છે.

ભગવાન દેવનારાયણની પૂજા માત્ર રાજસ્થાનમાં જ નથી થતી, પરંતુ પંજાબ, હિમાચલ, જમ્મુ-કાશ્મીર, ગુજરાત, મહારાષ્ટ્ર, મધ્યપ્રદેશ, હરિયાણા, દિલ્હી, ઉત્તર પ્રદેશ સહિત અનેક રાજ્યોમાં સ્થાયી થયેલા ગુર્જર સમુદાયની અહીં માન્યતા છે. એવું માનવામાં આવે છે કે 1111 વર્ષ પહેલા ભગવાન દેવનારાયણની માતા સાદુ દેવીએ આ ડુંગરી પર ભગવાન વિષ્ણુની તપસ્યા કરી હતી, જેના આશીર્વાદથી ભગવાન દેવનારાયણનો જન્મ થયો હતો. દેવનારાયણ જી બગદાવત નાગવંશના ગુર્જર હતા અને તેઓ ગુર્જર જાતિના લોક દેવતા છે. લોકો તેમને ભગવાન વિષ્ણુનો અવતાર માને છે. જ્યાં ભગવાનનો જન્મ થયો હતો ત્યાં માલસેરી ડુંગરી મંદિર બનાવવામાં આવ્યું છે.

વિધાનસભાની ચૂંટણી પર નજર

પરંતુ પીએમ મોદીની મુલાકાતથી ગુર્જર સમુદાયની આસ્થા વધુ ખાસ બની ગઈ છે. જયારે રાજસ્થાનમાં આ વર્ષે વિધાનસભાની ચૂંટણી છે ત્યારે કોંગ્રેસ અને બીજેપી બંને રાજકીય પક્ષો ગુર્જર વોટ બેંકને સાધવા માટે દેવનારાયણ જયંતિના પ્રસંગનો ફાયદો ઉઠાવવામાં લાગ્યા છે. CM અશોક ગેહલોતે પણ ગુર્જરોને રીઝવવા માટે છેલ્લી ઘડીએ આજે સરકારી રજાની જાહેરાત કરી દીધી છે. મોદી જ્યારે ભગવાન શ્રી દેવનારાયણની પૂજા કરશે તો આ વર્ષની વિધાનસભાની ચૂંટણી અને આવતા વર્ષે લોકસભાની ચૂંટણી, એમ બંને ચૂંટણીઓ માટે મોટું ગેમ ચેન્જર સાબિત થઈ શકે છે.

Related posts

અમેરિકાના સનસનાટીભર્યા આરોપ બાદ ગભરાયું ચીન, પહેલીવાર બેકફૂટ પર દેખાયું

Admin

“જાતિ પંડિતોએ બનાવી, ભગવાને નહીં”; આરએસએસના વડા મોહન ભાગવતનું નિવેદન

Admin

નવી સ્ટુડન્ટ સ્ટાર્ટ અપ એન્ડ ઈનોવેશન પોલીસી અમલી બની, વિદ્યાર્થીઓને ઈનોવેશન માટે 5 કરોડની સહાયઅપાશે

ApnaMijaj

Leave a Comment

error: Content is protected !!