જિલ્લા વહીવટીતંત્રનો આપત્તિ પ્રતિક્રિયા માટે અભૂતપૂર્વ પ્રયાસ
અમદાવાદ જિલ્લામાં 500થી વધુ ગામડાઓમાં મલ્ટી-એજન્સી મોક ડ્રીલનુ આયોજન કરાયું
• આપત્તિ સમયે દ્રૂત અને સમન્વિત પ્રતિસાદ માટે 83 સ્થળોએ મહામોક ડ્રિલ, અનેક વિભાગોનો સહયોગ
• 83 મોક ડ્રિલ સેન્ટરો, 6-7 સભ્યોની સંકલિત ટીમ કામે લાગી
•પોલીસથી લઈ નાગરિક સંરક્ષણ સુધી તમામ એજન્સીઓ એકજ મંચ પર
•દરેક ક્લસ્ટરમાં 5-6 ગામનો સમાવેશ, સ્થાનિક સ્વયંસેવકોની જોડાણથી સમુદાય સંડોવાયો
•આપત્તિ સમયે ઝડપથી એકત્રિકૃત પ્રતિસાદ અને તાલમેલ સાધવાનો હેતુ
અમદાવાદ: અપના મિજાજ ન્યુઝ 
અમદાવાદ જિલ્લાના વહીવટીતંત્ર અને અમદાવાદ ગ્રામીણ પોલીસના સંયુક્ત ઉપક્રમે સમગ્ર જિલ્લામાં સૌપ્રથમ વખત મલ્ટી-એજન્સી મોક ડ્રિલ યોજાઈ રહી છે. જિલ્લાનાના 500થી વધુ ગામો અને તમામ શહેરી વિસ્તારોમાં એકસાથે આયોજિત થનારી આ કવાયત અંતર્ગત કુલ 83 સ્થળોને “મોક ડ્રિલ સેન્ટર” તરીકે પસંદ કરવામાં આવ્યા છે. દરેક સ્થળે નિયુક્ત ઇન્ચાર્જ અધિકારીના માર્ગદર્શન હેઠળ પોલીસ, આરોગ્ય, અગ્નિશામક, મહેસૂલ વિભાગ, નાગરિક સંરક્ષણ અને સ્થાનિક વહીવટીતંત્રના પ્રતિનિધિઓની 6-7 સભ્યોની ટીમ કામગીરી નિભાવશે.
દરેક મોક ડ્રિલ ક્લસ્ટરમાં 5-6 ગામડાઓનો સમાવેશ કરાયો છે અને તેમાં ભાગ લેવા માટે સ્થાનિક સ્તરે ગામોમાંથી સ્વયંસેવકોને જોડાયા છે. આપત્તિ અને કટોકટીની પરિસ્થિતિઓમાં વ્યાવસાયિક અને દ્રૂત પ્રતિસાદ સુનિશ્ચિત કરવા માટે તમામ લાઇન વિભાગો વચ્ચે સહયોગ અને સંકલનનું તબીયત પરીક્ષણ આ ડ્રિલ દ્વારા કરાશે.
આ કવાયતનું મુખ્ય ઉદ્દેશ્ય વિવિધ વિભાગો વચ્ચે આંતર-વિભાગીય સંકલન સુનિશ્ચિત કરવો, કટોકટી સમયે યુનિટેડ રિસ્પોન્સ માળખું વિકસાવવું અને સમુદાયને પણ તેના ભાગરૂપે સામેલ કરીને નિવારક કામગીરી માટે તૈયાર રહેવું છે.
