IND vs AUS: ભારત અને ઓસ્ટ્રેલિયા વચ્ચે 4 મેચની ટેસ્ટ શ્રેણી 9 ફેબ્રુઆરીથી શરૂ થશે. બંને ટીમો હવે પોતાની તૈયારીઓને આખરી ઓપ આપવામાં વ્યસ્ત છે. ભારતીય ટીમનો મેચ વિનર વિકેટકીપર-બેટ્સમેન ઋષભ પંત આ ટેસ્ટ શ્રેણીમાં ગેરહાજર છે, આવી સ્થિતિમાં ઘરેલુ ક્રિકેટમાં શાનદાર પ્રદર્શન કરનાર કેએસ ભરતને પ્રથમ ટેસ્ટ મેચની પ્લેઈંગ-11માં સામેલ કરવામાં આવી શકે છે.
ઋષભ પંત ડિસેમ્બર 2022માં કાર અકસ્માતમાં ઘાયલ થયો હતો, જેના કારણે તે હાલમાં ટીમ ઈન્ડિયાથી લાંબા સમયથી બહાર છે. બીજી તરફ જો કેએસ ભરતની વાત કરીએ તો તે એક વર્ષથી વધુ સમયથી ભારતીય ટેસ્ટ ટીમનો ભાગ છે, પરંતુ તેને હજુ સુધી ડેબ્યૂ કરવાની તક મળી નથી.
કેએલ રાહુલ નહીં કરે વિકેટકીપિંગ!
અત્યાર સુધી એવી અટકળો લગાવવામાં આવી રહી હતી કે ઓપનર કેએલ રાહુલને વિકેટકીપિંગની જવાબદારી આપવામાં આવી શકે છે. પરંતુ રાહુલની ફિટનેસને જોતા તેને આ જવાબદારી આપવી ટીમ માટે મોટો ખતરો બની શકે છે.
બીસીસીઆઈના એક સૂત્રએ ઈન્સાઈડ સ્પોર્ટ્સને આપેલા પોતાના નિવેદનમાં કહ્યું છે કે કેએલ રાહુલ છેલ્લા એક વર્ષમાં ઘણી વખત ઈજાગ્રસ્ત થયો છે. આવી સ્થિતિમાં તેને ટેસ્ટ ક્રિકેટમાં વિકેટકીપર તરીકે રમાડવો યોગ્ય નિર્ણય નહીં હોય. ટેસ્ટ ફોર્મેટમાં તમારે નિષ્ણાત વિકેટ કીપર બેટ્સમેનની જરૂર છે. હાલમાં ટીમમાં ભરત અને ઈશાન બે વિકેટકીપર છે. આવી સ્થિતિમાં હવે ટીમ મેનેજમેન્ટે નક્કી કરવાનું છે કે તે પ્લેઈંગ ઈલેવનમાં કોને તક આપે છે.
કેએસ ભરતનો ફર્સ્ટ ક્લાસ ક્રિકેટમાં શાનદાર રેકોર્ડ છે
કેએસ ભરથની ઘરેલુ ક્રિકેટમાં અત્યાર સુધીની કારકિર્દી, આંધ્ર તરફથી રમતા આ વિકેટકીપર-બેટ્સમેને અત્યાર સુધી 86 મેચની 135 ઇનિંગ્સમાં 37.95ની એવરેજથી 4707 રન બનાવ્યા છે. આ દરમિયાન તેણે અત્યાર સુધીમાં 9 સદી અને 27 અડધી સદી ફટકારી છે. ભરતે આઈપીએલમાં અત્યાર સુધી 10 મેચ રમી છે, જેમાં તેણે 28.43ની એવરેજથી કુલ 199 રન બનાવ્યા છે.
