Apna Mijaj News
તાજા સમાચાર

જમ્મુ-કાશ્મીરના બડગામમાં 2 આતંકવાદીઓ ઠાર, કાર રોકવા પર કર્યું હતું ફાયરિંગ 

જમ્મુ અને કાશ્મીરના બડગામ જિલ્લામાં મંગળવારે કોર્ટ સંકુલ પાસે સુરક્ષા દળો સાથેની અથડામણમાં લશ્કર-એ-તૈયબાના બે આતંકવાદીઓ ઠાર થયા ગયા હતા. આ અંગે માહિતી આપતા પોલીસે કહ્યું કે બંને આતંકીઓની ઓળખ થઈ ગઈ છે અને તેઓ લશ્કર-એ-તૈયબાના હતા. ગયા અઠવાડિયે પણ આ આતંકવાદીઓ ઝડપાતા રહી ગયા હતા. અહેવાલો અનુસાર, બંને આતંકવાદીઓ એક કારમાં મુસાફરી કરી રહ્યા હતા અને અચાનક સુરક્ષા દળોને જોઈને ફાયરિંગ શરૂ કરી દીધું હતું.

જવાબી કાર્યવાહીમાં આતંકવાદીઓ ઠાર 

ઘટનાની વિગતો આપતા, પોલીસ પ્રવક્તાએ જણાવ્યું હતું કે, “બડગામમાંથી આતંકવાદીઓ પસાર થવાની ચોક્કસ માહિતી પર કાર્યવાહી કરીને, સેના અને પોલીસની સંયુક્ત ટીમે કોર્ટ સંકુલની નજીક એક શંકાસ્પદ વાહનને અટકાવવાનો પ્રયાસ કર્યો હતો. પરંતુ આતંકવાદીઓએ ગોળીબાર કર્યો, જે બાદ જવાબી કાર્યવાહીમાં બે આતંકવાદીઓ માર્યા ગયા.” અહેવાલ મુજબ સેના, સીઆરપીએફ અને જમ્મુ-કાશ્મીર પોલીસના જવાનો મોરચા પર તૈનાત છે.

‘લશ્કર-એ-તૈયબા સાથે હતા સંબંધ’

કાશ્મીરના અધિક પોલીસ મહાનિર્દેશક (ADGP) વિજય કુમારે જણાવ્યું હતું કે માર્યા ગયેલા આતંકવાદીઓ પ્રતિબંધિત લશ્કર-એ-તૈયબાના હતા. તેમની ઓળખ પુલવામા જિલ્લાના અરબાઝ મીર અને શાહિદ શેખ તરીકે થઈ છે. કુમારે જણાવ્યું હતું કે ગયા અઠવાડિયે નજીકના મગામ વિસ્તારમાં કોર્ડન અને સર્ચ ઓપરેશન દરમિયાન બંને આતંકવાદીઓ ભાગી ગયા હતા. માર્યા ગયેલા આતંકવાદીઓ પાસેથી એક એકે રાઈફલ અને એક પિસ્તોલ મળી આવી છે.

Related posts

ખેડૂતો આનંદો: સરકારે જમીનનો સરવે રદ કર્યો, હવે જામનગર-દ્વારકાથી નવેસરથી થશે જમીન માપણી

Admin

દિલ્હી: શ્રદ્ધા મર્ડર કેસ: આરોપી આફતાબની જ્યુડિશિયલ કસ્ટડી 14 દિવસ વધી, કાયદાની પુસ્તકો આપવા માગ કરી

Admin

ગૌતમ અદાણીને પછાડીને આ અબજોપતિએ લીધી જગ્યા… જાણો શું છે એલન મસ્કની હાલત

Admin
error: Content is protected !!