Reserve Bank of India: ભારતમાં ઘણી બેંકો છે, જેમાં કરોડો ગ્રાહકોના એકાઉન્ટ છે. તેમાં સરકારીથી લઈને પ્રાઈવેટ બેંકો સુધીની લાંબી લિસ્ટ છે, પરંતુ હવે રિઝર્વ બેંક દ્વારા બેંકો વિશે ઘણી માહિતી આપવામાં આવી છે. આરબીઆઈએ યાદી જાહેર કરીને જણાવ્યું છે કે કઈ બેંકમાં તમારા રૂપિયા સુરક્ષિત છે અને કઈ બેંકમાં તમારા રૂપિયા સુરક્ષિત નથી. જો દેશની બેંકોને કોઈપણ પ્રકારનું નુકસાન થાય છે તો તેનાથી ગ્રાહકો સહિત દેશભરને નુકસાન થાય છે.
1 સરકારી અને 2 પ્રાઈવેટ બેંકોના નામ સામેલ
રિઝર્વ બેંક દ્વારા ડોમેસ્ટિક સિસ્ટમલી ઈમ્પોર્ટન્ટ બેંક્સ (D-SIBs) 2022 ની લિસ્ટ બહાર પાડવામાં આવી છે, જેમાં એક સરકારી અને બે પ્રાઈવેટ બેંકોના નામ સામેલ છે. આ સાથે ગત વર્ષમાં સામેલ બેંકોના નામ પણ છે.
એસબીઆઈ સહિત આ બેંક સામેલ
આરબીઆઈ દ્વારા આપવામાં આવેલી માહિતી મુજબ વર્ષ 2022ની આ લિસ્ટમાં સ્ટેટ બેંક ઓફ ઈન્ડિયા સિવાય પ્રાઈવેટ સેક્ટરની HDFC બેંક અને ICICI બેંકના નામ સામેલ છે. આ લિસ્ટમાં એવી બેંકોના નામ સામેલ છે, જેમના નુકસાનથી દેશભરની નાણાકીય વ્યવસ્થાને અસર થશે.
કેટલો છે રિસ્ટ વેટેડ ભાગ
આપને જણાવી દઈએ કે આ લિસ્ટમાં આવનારી બેંકો પર કડક નજર રાખવામાં આવી છે. આરબીઆઈની યાદી અનુસાર, એસબીઆઈની 0.60 ટકા જોખમ વેઈટેડ એસેટ્સ ટિયર-1 તરીકે રાખવામાં આવી છે. તે જ સમયે, ICICI અને HDFCની રિસ્ક વેઇટેડ એસેટ 0.20 ટકા છે.
2015થી જારી થઈ રહી છે આ લિસ્ટ
વર્ષ 2015 થી, રિઝર્વ બેંક એવી બેંકોની યાદી બહાર પાડે છે, જે દેશની અર્થવ્યવસ્થા માટે સૌથી મહત્ત્વપૂર્ણ છે અને RBI તેમના પર કડક નજર રાખે છે. આરબીઆઈ દ્વારા બેંકોને રેટિંગ પણ આપવામાં આવે છે, ત્યારબાદ જ આ મહત્ત્વપૂર્ણ બેંકોની લિસ્ટ તૈયાર કરવામાં આવે છે. હાલમાં આ યાદીમાં 3 બેંકોના નામ સામેલ છે.
