ઔલી એ હિમાલયના શિખરોના વિહંગમ દૃશ્યોનો આનંદ માણવા માટેના સૌથી લોકપ્રિય સ્થળોમાંનું એક છે, જેમાં નંદા દેવી (7816 મીટર), ભારતનો બીજો સૌથી ઊંચો પર્વત છે.
ઓલી ઉપરાંત ધનૌલ્ટીમાં પણ આ જાન્યુઆરી મહિનામાં હિમવર્ષાનો આનંદ માણી શકાય છે. ધનોલ્ટી શિયાળાના પ્રવાસન માટે શ્રેષ્ઠ સ્થળો પૈકીનું એક છે. ડિસેમ્બરના અંતમાં અને જાન્યુઆરીમાં અહીં હિમવર્ષા જોવા માટે પ્રવાસીઓની ભારે ભીડ ઉમટી પડે છે. અહીંના સુંદર કુદરતી દ્રશ્યો અને આ સિઝનમાં થીજી ગયેલો બરફ તમારા માટે ખૂબ જ આનંદદાયક અનુભવ બની રહેશે.
શિયાળામાં લદ્દાખની મુસાફરી હંમેશા લોકોની ટ્રાવેલ વિશ લિસ્ટમાં રહી છે. લદ્દાખમાં શિયાળો ગંભીર હોય છે અને તાપમાનમાં ઘટાડો થયા બાદ ડિસેમ્બર-જાન્યુઆરી મહિનામાં આખો વિસ્તાર સફેદ બરફની ચાદરથી ઢંકાઈ જાય છે. ક્યારેક લદ્દાખના કેટલાક ભાગોમાં રાત્રિનું તાપમાન -30 ડિગ્રી અથવા તો -40 ડિગ્રી સુધી પહોંચી જાય છે. સ્વચ્છ વાદળી આકાશ સાથે બરફીલા જમીનનો આનંદ માણવા માટે જાન્યુઆરીમાં અહીં મુલાકાત લઈ શકાય છે.
