સંજય જાની (અપના મિજાજ- ન્યુઝ)
ખેડા જિલ્લાના ચકલાસી પોલીસ સ્ટેશન તાબાના વડતાલમાં નવીનગરી અને ખંભાતી ચાલી વિસ્તારમાં સ્ટેટ મોનીટરીંગ સેલની ટીમ ત્રાટકી હતી. સેલની ટીમે અહીંથી જુગાર રમતાં 13 લોકોને પકડી પાડયા હતા. મહત્વની બાબત એ છે કે અહીં માણસો બોલાવી જુગાર રમાડતા ભીખા મણિલાલ પરમાર અને નંદાબેન પરમારની પોલીસે મુખ્ય આરોપી ઘણી ધરપકડ કરી છે.
સ્ટેટ મોનિટરિંગ સેલના વડા નિર્લિપ્ત રાયની સૂચનાથી ડીવાયએસપી કે.ટી. કામરીયાના માર્ગદર્શન હેઠળ સ્ટેટ મોનિટરિંગ સેલના પોલીસ ઇન્સ્પેક્ટર આર.બી.પ્રજાપતિએ પોતાની ટીમ સાથે વડતાલમાં દરોડો પાડ્યો હતો. પોલીસે ખુલ્લા મેદાનમાં જુગાર રમતા મુખ્ય આરોપી સહિત ત્રણની ધરપકડ કરી જુગારનું સાહિત્ય કિંમત રૂ.૧૯,૨૭૦, ૦૮ મોબાઇલ કિંમત મળીને કુલ રૂ.૨૩,૨૭૦ મુદ્દામાલ કબજે કરી પકડાયેલા આરોપી સામે જુગાર ધારાની કલમ હેઠળ કાનૂની કાર્યવાહી હાથ ધરી હતી.
